1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50.
आदमेकि नति-जालिर
(१ अवाल १:१–४)
1 ईद् आदमेकि नति-जालिरकि कुन्द-पाव्रिद्। गोसाञ्यिद् मलेन जरमेत्रयाद् अदेनो, आद् अहिन तंग मुद्रा चोव मेन्जयाद्।
2 आद् आबेरिन मुड़स अन्ते पेलि मेन्जयाद्, अन्ते आद् आबेरिन मेन्जनो आबेरिन आसिक ननयाद् अन्ते आबेरिन मलेर पिन्जयाद्।
3 आदमे सवोन्द डेड कॊड़ि बचेरि-आव मॆन्जाह् अदेनो अहिक अहि चोव अन्ते अहिकि मुद्रा चोव ओर्त मक़ेह् कुन्दयाह्, अन्ते आह् अहिक सेत पिन्जयाह्।
4 सेत कुन्दयाह् अदि क़ॊक़ आदमे अट सव बचेरि अमट उज डोकयाह्। अहिक अदो मुड़स अन्ते पेल मक़ेर कुन्दयार,
5 इन्देकि अहिकि उज दिनेद् गोटेदि नव सव अन्ते डेड कॊड़ि बचेरि मॆन्जाद् अन्ते आह् कॆचाह्।
6 सेते सवोन्द पच बचेरि-आव मॆन्जाह् अदेनो, अहिक एनोसे नामि ओर्त मक़ेह् कुन्दयाह्,
7 एनोसेकि कुन्द क़ॊक़ आह् अट सव सत बचेरि अमट उज डोकयाह्। अहिक अदो मुड़स अन्ते पेल मक़ेर कुन्दयार,
8 इन्देकि सेते नव सव बारा बचेरि अमट उज डोक्केह् कॆचाह्।
9 एनोसे चार कॊड़ि दस बचेरि-आव मॆन्जाह् अदेनो, अहिक केनाने नामि ओर्त मक़ेह् कुन्दयाह्,
10 केनानेकि कुन्द क़ॊक़ एनोसे अदो अट सव पन्द्रा बचेरि अमट उज डोकयाह्। अहिक अदो मुड़स अन्ते पेल मक़ेर कुन्दयार।
11 इन्देकि एनोसे नव सव पच बचेरि अमट उज डोक्केह् कॆचाह्।
12 केनाने तीन कॊड़ि दस बचेरि-आव मॆन्जाह् अदेनो, अहिक महलालेले* नामि ओर्त मक़ेह् कुन्दयाह्,
13 महलालेलेकि कुन्द क़ॊक़ केनाने अट सव कॊड़यिस बचेरि अमट उज डोकयाह्। अहिक अदो मुड़स अन्ते पेल मक़ेर कुन्दयार।
14 इन्देकि केनाने नव सव दस बचेरि अमट उज डोक्केह् कॆचाह्।
15 महलालेले तीन कॊड़ि पच बचेरि-आव मॆन्जाह् अदेनो, अहिक जरेद नामि ओर्त मक़ेह् कुन्दयाह्,
16 जरेदकि कुन्द क़ॊक़ महलालेले अट सव डेड कॊड़ि बचेरि अमट उज डोकयाह्। अहिक अदो मुड़स अन्ते पेल मक़ेर कुन्दयार।
17 इन्देकि महलालेले अट सव चार कॊड़ि पन्द्रा बचेरि अमट उज डोक्केह् कॆचाह्।
18 जरेद अट कॊड़ि दू बचेरि-आव मॆन्जाह् अदेनो, अहिक एनोके नामि ओर्त मक़ेह् कुन्दयाह्।
19 एनोकेकि कुन्द क़ॊक़ जरेद अट सव बचेरि अमट उज डोकयाह्, अहिक अदो मुड़स अन्ते पेल मक़ेर कुन्दयार।
20 इन्देकि जरेद नव सव तीन कॊड़ि दू बचेरि अमट उज डोक्केह् कॆचाह्।
21 एनोके तीन कॊड़ि पच बचेरि-आव मॆन्जाह् अदेनो, अहिक मॆतुसिला नामि ओर्त मक़ेह् कुन्दयाह्।
22 मेतुसिलाकि कुन्द क़ॊक़ एनोके गोसाञ्यिकि संगालिनो तीन सव बचेरि अमट चलारयाह् अन्ते अहिक अदो मुड़स अन्ते पेल मक़ेर कुन्दयार।
23 इन्देकि एनोके तीन सव तीन कॊड़ि पच बचेरि अमट क़ेक़लनो उज डोकयाह्।
24 अन्ते एनोके गोसाञ्यिकि संगालिनो चलारयाह्, अन्ते गोसाञ्यिद् अहिन पॆतेकिद् ओचाद् आ लग्केह्, आह् अदि क़ॊक़ अन्डुव्रलाह्।
25 मॆतुसिला नव कॊड़ि सत बचेरि-आव मॆन्जाह् अदेनो, अहिक लामेके नामि ओर्त मक़ेह् कुन्दयाह्।
26 लामेकेकि कुन्द क़ॊक़ मॆतुसिला सत सव चार कॊड़ि दू बचेरि अमट उज डोकयाह्। अहिक अदो मुड़स अन्ते पेल मक़ेर कुन्दयार।
27 इन्देकि लामेके नव सव तीन कॊड़ि नव बचेरि अमट उज डोक्केह् कॆचाह्। 28 लामेके नव कॊड़ि दू बचेरि-आव मॆन्जाह् अदेनो, अहिक ओर्त मक़ेह् कुन्दयाह्।
29 अन्ते आह् यॆहोवाद् सरापेचाद् आ क़ेक़लेन्ते नमकि काज अन्ते नमकि टॆटुकि उमिगुमि मॆननो ई मक़ेह् नमेन जोगयेह् आनकेह् अहिन नूह नामि पिन्जयाह्।
30 नूहेकि कुन्द क़ॊक़ लामेके पच सव चार कॊड़ि पन्द्रा बचेरि अमट उज डोकयाह्। अहिक अदो मुड़स अन्ते पेल मक़ेर कुन्दयार।
31 इन्देकि लामेके सत सव तीन कॊड़ि सत्रा बचेरि अमट उज डोक्केह् कॆचाह्। 32 नूह पच सव बचेरि-आव मॆन्जाह् अदि क़ॊक़ अहिक सेमे, हामे, अन्ते जपेते नामि तीनजॆन मुड़स मक़ेर कुन्दयार।