1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36.
तुड़म्बेकि पर्बेनो कीदप कीदपो गहन्डिद्
(लेवि २३:२३–२५)
1 सतमा मॆहनाकि पॆहला दिनेनो पाक तुन्ग़र्पेद् मॆनान्देद्; आ दिनेनो दिनाने बागु काजेन कुदोमकु। आ दिनेद् तुड़म्बेन ऊर दिने मॆनान्देद्; 2 अन्ते नीम यॆहोवाक अपोकेत्रु चॆञ्य चोव क़ोसत्र ऎड़व चोव मक़ोन्द बड़दे-मक़ोन, मक़ोन्द मरगो-बेडिन, अन्ते बचेरोन्द आनि टडाबलो सत गोटा बोकड़ा बेडि-मक़ोन हों कीदकु। 3 आव आवेकि दना-ऎड़वपोद् जलपाय इसग़नेत सानयप कटप एड़ु आटाद् मॆनान्देद्; बड़दे लग्कि तीन किलोग्राम अनोन्देन, अन्ते मरगो-बेडि लग्कि किलयिस अनोन्देन; 4 सत गोटा बेडि-मक़ोकि मक़ोन्दोन्द बेडि लग्कि किलयोन्द अनोन्देन, 5 निमकि पापेन-आड ऎड़व लग्कि चुम्बाड़ ऎड़व चोव मक़ोन्द बोकड़ा बेडि-मक़ोन हों कीदकु। 6 बिलपुद् एद पर्बेकि क़ोसत्र ऎड़वपोन अन्ते अदिकि दना कीदपोन, दिनानेकि क़ोसत्र ऎड़वपोन अन्ते अदिकि दना-कीदपोन अन्ते आव आवेकि उकम चोव बॆहु ऒन कीदपोन अम्बके नीम अदो ईव ईवेन नीम यॆहोवाक अपोकेत्रु चॆञ्य चोव क़ोसत्र ऎड़व चोव कीदकु।
पापेन-आड दिनेनो कीदपोद्
(लेवि २३:२६–३२)
7 ई सतमा मॆहनाकि दसमा दिनेद् निमे पाक तुन्ग़र्पेकि दिने मॆनान्देद्, अन्ते निमेनहि पोदक़लारा* अन्ते इन्द्र गोटे काजेन कुदोमकु। 8 अन्ते नीम यॆहोवाक अपोकेत्रु चॆञ्य चोव क़ोसत्र ऎड़व चोव मक़ोन्द बड़दे-मक़ोन, मक़ोन्द मरगो-बेडिन, अन्ते बचेरोन्द आनि टडाबलो सत गोटा बोकड़ा बेडि-मक़ोन हों कीदकु। 9 आव आवेकि दना-ऎड़वपोद् जलपाय इसग़नेत सानयप कटप एड़ु आटाद् मॆनान्देद्; बड़दे लग्कि तीन किलोग्राम अनोन्देन, अन्ते मरगो-बेडि लग्कि किलयिस अनोन्देन; 10 सत गोटा बेडि-मक़ोकि मक़ोन्दोन्द बेडि लग्कि किलयोन्द अनोन्देन, 11 पापेन-आड ऎड़व लग्कि चुम्बाड़ ऎड़व चोव मक़ोन्द बोकड़ा बेडि-मक़ोन हों कीदकु; अन्ते पापेन आडेकि चुम्बाड़ ऎड़वेन, दिनानेकि क़ोसत्र ऎड़वपोन अन्ते अदिकि दना-कीदपोन अम्बकेर नीम अदो ईव ईवेन ईव ईवेकि ऒन-कीदपो मादि कीदकु।
क़ल-बासा पर्बेकि कीदपो गहन्डिद्
(लेवि २३:३३–४४)
12 सतमा मॆहनाकि पन्द्रमा दिनेनो निमे पाक तुन्ग़रेद् मॆनान्देद्; आ दिनेनो दिनाने बागु काजेन कुदोमकु; अन्ते सत दिनेनो यॆहोवाक पर्बेन मनात्रकु। 13 अन्ते नीम यॆहोवाक अपोकेत्रु चॆञ्य चोव क़ोसत्र ऎड़व चोव तेरा गोटा बड़दे-मक़ोन, मक़िस मरगो-बेडिन, अन्ते बचेरोन्द आनि टडाबलो चवदा गोटा बोकड़ा बेडि-मक़ोन हों कीदकु। 14 आव आवेकि दना-ऎड़वपोद् जलपाय इसग़नेत सानयप कटप एड़ु आटाद् मॆनान्देद्; आव आव तेरा गोटा बड़दे गहन्डिनो मक़ोन्दोन्द लग्कि तीन किलोग्राम अनोन्देन, अन्ते आव आव मक़िस मरगो-बेडिनो मक़ोन्दोन्द लग्कि किलयिस अनोन्देन; 15 चवदा गोटा बेडि-मक़ोकि मक़ोन्दोन्द बेडि लग्कि किलयोन्द अनोन्देन, 16 दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु।
17 दूसरा दिनेनो बारा गोटा बड़दे-मक़ोन, मक़िस मरगो-बेडिन, अन्ते बचेरोन्द आनि टडाबलो चवदा गोटा बोकड़ा बेडि-मक़ोन हों; 18 बड़दे मक़ो, मरगो-बेडि अन्ते बेडि-मक़ोकि लॆकयपेकि नियम चोव आव आवेकि दना-कीदपोन अन्ते ऒन-कीदपोन हों; 19 अन्ते दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु।
20 तीसरा दिनेनो ऎगारा गोटा बड़दे-मक़ोन, मक़िस मरगो-बेडिन, अन्ते बचेरोन्द आनि टडाबलो चवदा गोटा बोकड़ा बेडि-मक़ोन हों; 21 बड़दे मक़ो, मरगो-बेडि अन्ते बेडि-मक़ोकि लॆकयपेकि नियम चोव आव आवेकि दना-कीदपोन अन्ते ऒन-कीदपोन हों; 22 अन्ते दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु।
23 चवता दिनेनो दस गोटा बड़दे-मक़ोन, मक़िस मरगो-बेडिन, अन्ते बचेरोन्द आनि टडाबलो चवदा गोटा बोकड़ा बेडि-मक़ोन हों; 24 बड़दे मक़ो, मरगो-बेडि अन्ते बेडि-मक़ोकि लॆकयपेकि नियम चोव आव आवेकि दना-कीदपोन अन्ते ऒन-कीदपोन हों; 25 अन्ते दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु।
26 पचमा दिनेनो नव गोटा बड़दे-मक़ोन, मक़िस मरगो-बेडिन, अन्ते बचेरोन्द आनि टडाबलो चवदा गोटा बोकड़ा बेडि-मक़ोन हों; 27 बड़दे मक़ो, मरगो-बेडि अन्ते बेडि-मक़ोकि लॆकयपेकि नियम चोव आव आवेकि दना-कीदपोन अन्ते ऒन-कीदपोन हों; 28 अन्ते दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु।
29 चटमा दिनेनो अट गोटा बड़दे-मक़ोन, मक़िस मरगो-बेडिन, अन्ते बचेरोन्द आनि टडाबलो चवदा गोटा बोकड़ा बेडि-मक़ोन हों; 30 बड़दे मक़ो, मरगो-बेडि अन्ते बेडि-मक़ोकि लॆकयपेकि नियम चोव आव आवेकि दना-कीदपोन अन्ते ऒन-कीदपोन हों; 31 अन्ते दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु।
32 सतमा दिनेनो सत गोटा बड़दे-मक़ोन, मक़िस मरगो-बेडिन, अन्ते बचेरोन्द आनि टडाबलो चवदा गोटा बोकड़ा बेडि-मक़ोन हों; 33 बड़दे मक़ो, मरगो-बेडि अन्ते बेडि-मक़ोकि लॆकयपेकि नियम चोव आव आवेकि दना-कीदपोन अन्ते ऒन-कीदपोन हों; 34 अन्ते दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु।
35 अटमा दिनेनो निमे पाक तुन्ग़र्पेद् मॆनान्देद्; आ दिनेनो दिनाने बागु काजेन कुदोमकु। 36 अन्ते नीम यॆहोवाक अपोकेत्रु चॆञ्य चोव क़ोसत्र ऎड़व चोव मक़ोन्द बड़दे-मक़ोन, मक़ोन्द मरगो-बेडिन, अन्ते बचेरोन्द आनि टडाबलो सत गोटा बोकड़ा बेडि-मक़ोन हों; 37 बड़दे मक़ो, मरगो-बेडि अन्ते बेडि-मक़ोकि लॆकयपेकि नियम चोव आव आवेकि दना-कीदपोन अन्ते ऒन-कीदपोन हों; 38 अन्ते दिनानेकि क़ोसत्र ऎड़वपोन, अदिकि दना-कीदपोन, अन्ते अदिकि ऒन-कीदपोन अम्बकेर पापेन आडेकि चुम्बाड़ ऎड़वे चोव मक़ोन्द बेडि-मक़ोन हों कीदकु। 39 निमकि कबुलार्प चियपेन, निमकि अन्दाड़े चियप चियपेन, निमकि दिनानेकि क़ोसत्र ऎड़वपोन, निमकि दना-कीदपोन, निमकि ऒन-कीदपोन अन्ते निमकि संगालि-ऎड़वेन अम्बकेर निमे निमकि पर्ब गहन्डिनो यॆहोवाक कीदपोद् ईव ईवेदि से। 40 यॆहोवाद् मूसान उकम नन ओजयाद् आ चोवहि गोटेदिन मूसा इस्राएलेरिन तॆंग़ाह्।