मालतो दंगड़ियार-बटगेर दोले

अंगे मंगे कलीसियानो सनिचार दिने बा नन दिने दंगड़ियारअन्ते बटगेर गिरजा अडानो जमारेर। अपता ताड़े बाइबिल दियान ननोति पाटेद् बुजात्रपो सबाद् इनो कुर्कपे बॆहेनिद्। मूलार इदे पड़चकेर अगवेत्रोति पारयनेर।

मॆहनाकि मूल सबान चुन्युर: – पाद्रि पतरस मालतो, सुरजिबेड़ा अन्ते पाद्रि अन्द्रियास मालतो, चान्दना
बाइबिल पड़ायिन कुर्कुर: – ई सि अय राजमहल डयोसिस किताबेन मेन्ज दोलेर

दंगड़ियार-बटगेरकि अपता तुनग़रेन चलात्र पदिद्

1.सुरु सुम्ब्रारेद्

2. चामे पाड़ेद्

3. पोग़ोलत्रेद्

4. बाइबिल पाटेन पड़येद्

सुम्ब्रारपोद् : बाइबिल पाटेन पड़येन्ते अगदु गोसाञ्यि बहानो सुम्ब्रारोति मॆनिद्। (बाइबिल पाटेन बुजारोति गोसाञ्यिद् सगाबॆयोति गोटेरि केवेजारा)

बाइबिल पाटेन पड़येद्

पड़य क़ोक़ ईव ईव सवालेन मॆन्जेरपोद्।

• ई बाइबिल पाटेनो गोसाञ्यि पन्तेनो इन्द्रे सिकारित?
• ई बाइबिल पाटेनो इन्द्र गोटे इयेहेत्र सबाद् बॆहिद् अको?
• ई बाइबिल पाटेनो क़दक़ोड़प सबाद् बॆहिद् अको?
• ई बाइबिल पाटेनो इन्द्र गोटे नमुना बॆहिद् अको?
• ई बाइबिल पाटेनो चलारोति बा मान्योति इन्द्र गोटे उकमेद् बॆहिद् अको?
• ई बाइबिल पाटेद् इन्द्रे अवडिद्?
• ई बाइबिल पाटेनो बॆहु मूल सबान अन्डेद्
• ई बाइबिल पाटेनो इन्द्रिक पन्तेनो अरि गरि कुर्कपेद्
• ई बाइबिल पाटेकि मतलबेद् इन्द्रुद्
• इक अमलेनो ईद् कुर्कपेद्
• उजेनो काजेक ओन्द्रपो सबाद् इन्द इन्द्रुद्?
• ऎंग्कि उजेनो इकनान ई सिकार सबान काजेक ओन्द्रेन / इकनान ऎंग्कि उजेन ई पाटेकि अवडप सबा चोव सरयेत्रेन?

5. बाइबिल पाटेन दियान ननेद्

6. सुम्ब्रारेद्

7. ओड़ सुम्ब्रारेद्

जनवरि मॆहनाकि मूल सबाद् – निंगेन आग़ा

जनवरि – पॆहला अपता

मूल सबाद्: गोसाञ्यिकि मुद्रा चोव मेन्जग़र्पेत

बाइबिल पाटेद्– जरमार्प 1:26-28; चामे 139:13-16;

उगलारपो पड़लाद्: इकनिकि नाम एड़ु काजेन कुदोति मसिह् ईसुकि संगालिनो मेन्जुव्रपेत अन्ते गोसाञ्यिकि काजवात; अन्ते नाम आव आव एड़ु काजेनो चलारोति गोसाञ्यिद् आव आवेन अगदन्ते हि ओरयेत्रकि बॆहत्रयाद्। ऎपेसुस 2:10

सिकारपो सबाद्: नमेन नाम आग़ोति नमकि पहचानेन चिनयोति मॆनिद। नमकि पहचानेद् गा नाम गोसाञ्यिकि मुद्रा चोव मेन्जग़र्पेत अदेनो बॆहिद्।

पाटेकि जोकाहि: जरमार्प 1:26-28 गोसाञ्यिद् मलेन (मुड़स अन्ते पेलि) तंग मुद्रा चोव मेन्जयाद्। अन्ते मेन्जग़रपेन राज ननोति जिमान चिचाद्। चामे 139:13-16 ई पाटेनो दाऊदे गोसाञ्यिद् इकनान मलेन ऎलच-कॊरो अन्ते ऎवग़लेट चोव मेन्जयाद् अदे उगलेत्रिह्। गोसाञ्यिकि मुद्रा चोव मेन्जग़र्पेत आलग्कि नाम दामतानित अदे उगलारेत। गोसाञ्यिद् नमेन असोल मेन्जयाद्, इदिन्ते नाम आद् एनोन्द नमेन मड़मॆनिद् अदे बुजारोति पारयित।

बुजारेद्:
“तंग मुद्रा चोव” :- मलेह् जानवरेन्ते मोटो। मलेह् गोसाञ्यि चोव तानि गोटे गोसाञ्यि मला। गोसाञ्यिन्ते पिसि हि डोकिह्। सिञ्याड़े बा कीड़वा, मसि कोरपेर बा कोराबलोर, पेलि बा मुड़से गोटेरि गोसाञ्यिकि मुद्रा चोव मेन्जग़र्पेर। नाम गोटेरि गोसाञ्यिकि मुद्रा चोव मेन्जग़र्पेत आलग्कि ननेरकि उजेन आड़ोति नेके गोटे अके मलाद्। गोसाञ्यिकि मुद्रा चोव आन्नो मुद्रा गन्डि बराबरि आञ्य सोचयोति मला जे नमकि परानि बागु नुनेद् गोसाञ्यिकि गुने चोव बॆहिद्। गोसाञ्यि चोव मेन्जग़र्पेन राज नन गुनेद् मलेक हों गोसाञ्यिद् चिचाद्। पापेद् क़ेक़लनो कोर्चा अन्ते क़ेक़ल मलेर डग्रारोति जॆजयार। गोसाञ्यिद् उगलेयिद् आ चोव गुने नमेनो बनार एकोति मॆनिद्।

उजेनो काजेक ओन्द्रपो सबाद्:

• गोसाञ्यिकि क़नसरि नाम एनोन्द दामतानिद् अदे बुजारेत अन्ते अपोकारेत।
• क़ेक़लबागु उजेनो नमकि बॆहिद् आ पहचानेन्ते ईद् बॆडोद् अदे उगलारेत। गोसाञ्यिकि गुनेद् नमेनो बनार एकोति कुरुमुट ननेत।
• ननेरिन सिञ्याड़ेत्रले उजेत। आबेर हों गोसाञ्यिक मुद्रा चोव मेन्जग़रपेर अदे उगलारेत।
• गोसाञ्यि उगलेयिद् आ एड़ु काजेन कुदोति बीर मॆनेत

जनवरि – दूसरा अपता

मूल सबाद्: मलकि उगलिद् इक चोवेद्?

बाइबिल पाटेद्: यॆरेमिया 17:9-10; रॊमिरि 3:9-12, 23.

सिकारपो सबाद्: नमेन नाम आग़ोति नमकि उगलिन चिन्योति मॆनिद्। नमकि उगलिद् पापेनो उट्रपे अन्ते नमे बाचारेकि जक्रोन बुजारोति मॆनिद्।

पाटेकि जोकाहि:

बुजात्रपो सबाद्:

उजेनो काजेक ओन्द्रपो सबाद्:

जनवरि – तिसरा अपता

मूल सबाद्: मसिनो पुन पहचानेद्

बाइबिल पाटेद्: 2 कुरिन्तुस 5:17-21; गलातिया 2:20

सिकारपो सबाद्: मसिनो नाम पुन मेन्जग़रपेत अदे बुजारेद्।

पाटेकि जोकाहि:

बुजात्रपो सबाद्:

उजेनो काजेक ओन्द्रपो सबाद्:

जनवरि – चवता अपता (सगाबॆयु संगालेर अंदोलनेकि बाइबिल पड़ायिद्)

मूल सबाद्: गोसाञ्यिकि अन्दवेत्रप दुलेलिद्

बाइबिल पाटेद्: लूके 15:11-20; चामे 103; रॊमिरि 8:31-39; 1 कुरिन्तुस 13:4-8

सिकारपो सबाद्: नाम गोसाञ्यिकि मुद्रा चोव मेन्जग़र्पेत। गोसाञ्यिन्ते एनोन्द गॆचि मॆन्नो हों उगलिन किरत्रित अदेनो गोसाञ्यि नमेन ईन्ज्रिद्। नाम गोसाञ्यिकि क़नसरि दामतानित।

पाटेकि जोकाहि:

• गोसाञ्यिकि दुलेलि अदानिबलोद्।
• नाम गोसाञ्यिन अन्ते ननेरिन मान्याबलो गोटे गोसाञ्यिकि दुलेलि गोट पहरा बरा-बरि।
• गोसाञ्यिकि क़नसरि नाम दामितानित।

दोलेनो सिकारेद्:

• दोल मूलार पाटेकि मूल सबान बीन्डेर अन्ते सगाबॆयु-संगालेेरिक चित्र किताबेन पड़य पदिन सिकात्रेर।
• जॊड़ोन्दति मॆन्जेकेर अन्ते पॆहला पाटेनो “मॆन्ज ओच्र नक़ेनो” बॆहु सवालेन बुजारा।
• अंगेमंगे गोहायिन्ते तॆंग़ोति मॆनेनिद्।
• ओर्त चित्र किताबेनो बॆहु ऎवज्प तंग़ादेकि क़ेरिन पड़या। पड़य पहरा हि 3 जॆनेर आ चोवेहि नाटकेन एदेर। (लूके 15:11-20, चित्र किताबेनो आक्रिेनो बॆहिद्) तॆंग़्र-नक़ा अन्ते उजेनो काजेक ओन्द्रा।
• निंग्कि पन्तेनो इन्द्रे सिकारके/कि?
• गोसाञ्यिकि दुलेलि पन्तेनो इन्द्रे सिकारकेर?
• नाम उजित ई क़ेक़ल पन्तेनो नीम इन्द्रे सिकारकेर?
• तॆंग़्र-नक़ा अन्ते ओर्त ननेरि लग्केर सुम्ब्रारा।
  • ओर्त ननेरकि जोका नुना/नुनि लग्केर
  • ओर्त ननेरि लग्केर (नीम इकनि चलारनेर अदे तॆंग़्र-नक़ा, बिमारि, जक़्रो सबा लग्कि सुम्ब्रारा)।

दोलेनो अदो सिकारोति:

• चामे 103 मूलिन दो बा तीन केप पड़या। निंगे ऎसा एड़ु मॆन्जा आ पड़लान चिना नना। आ पड़ला पावा गोसाञ्यिद् निंग गुनि इन्द्रे अवडिद्? गोसाञ्यिकि सडिन मॆना। (जोड़ोन्दति मॆन्जेकेर) चामे 103 पावा गोसाञ्यिद् निम गुनि इन्द्रे अवडिद् अदे तॆंग़्र-नक़ा।
• एनोन्द गोटे नमे डग्रहा, एड़ु, चापो, दिगाड़ो, मड़ग़रो, क़ेसो, कीड़वा, सिञ्याड़े, दंगड़िया, पचपे मॆननो हों; एनोन्द नमकि उजेनो अपोकि, दुके, रॊके, उगलि क़ोपले, कीड़े, लॆग-लॆगात्रुव्रे, लजात्रुव्रे, लजारे, गिनारुव्रे, नुन्जुव्रे मॆननो हों; निमकि संगालेर इक चोव सोचयनो हों अन्ते गड़यनो गोटे; गोसाञ्यिद् निंगे दुलेलेत्रिद् अन्ते नीन गोसाञ्यिकि असोल मलेह्/मलनि। गोसाञ्यिद् निंग्कि जवालेन बुजारिद् अन्ते निंग संगाल दुक्रारिद्, अन्ते निंगेन लॆग-लॆगात्रिद्। निंग्कि उजेनो एनोन्द बदलारनो गोटे अदिकि दुलेलि बराबरि बॆहिद्। निंगेन दामतावे अन्ते तंग्कि क़द अनिद्। जोड़ोन्द मॆन्जेकेर, ईव ईव सवाल गहन्डिन- तॆंग़्र-नक़ा।
  • गोसाञ्यिद् निंगेन मड़ मॆनिद् अदे अंगेमंगे ईन्ज्रकेर अन्ते बुजारकेर अको?
  • गोसाञ्यिद् निंगेन मड़ मॆनिद् अदे पत्यारोति इक पहरा जवाले मॆनिद्?
  • रॊमिरि 8:31-39 पड़लान संगाल पड़या।
• (मॊटो दोलेनो) 1 कुरिन्तुस 13:4-8 पड़या अन्ते इक इक जगेनो “मड़ मॆनेद्” बॆहिद् आ जगेनो “गोसाञ्यिद्” आञ्य पड़या। एना केप उगलेयनेर आनोन्द केप पड़या। गोसाञ्यिकि दुलेलि पन्तेनो इन्द्रे सिकारकेर? निंग्कि सोचयेन अन्ते गोसाञ्यि गुनि क़ाव्र-नक़ेन कुर्का।

उजेनो काजेक ओन्द्रपोद्: “अदानि बलो दुलेलिन” इकनान संगालेर मजिनो, परिवारेनो अन्ते बेवानो काजेक ओन्द्रोति पारयित? अदे सोचया अन्ते सिकार्प आव आव सबान उजेनो काजेक इकनान ओन्द्रोति मॆनिद् अदे उगलारा।