चामे 20

जीतयोति लग्कि सुम्ब्रारेद्

(पाड़ु सरदार लग्कि दाऊदेकि चामे)

1 नीन काकलिनो डॊकने अदेनो, यॆहोवाद् निंगेन मुरान्देद्, याक़ूबेकि गोसाञ्यिद् निंगेन जोगचकिद् ओजान्देद्।

2 आद् तंग्कि पाक-अडान्ते निंगे सगाबेयेन तॆयान्देद्, अन्ते सियोनेन्ते निंगेन बज्रेत्रान्देद्।

3 आद् निंग्कि गोट ऎड़वपेन उगलारान्देद्, अन्ते निंग्कि क़ोसत्र ऎड़वेन ईन्ज्रान्देद्। (सेला)

4 निंग्कि उगलि मड़ेन अटयत्रान्देद् अन्ते निंग्कि उगलेयेन पूरात्रान्देद्।

5 अन्ते एम निंग्कि जीतयेत अपोकारले क़रग़रेम अन्ते ऎमकि गोसाञ्यिकि नामिनो एम जन्डिन इलदलेम। यॆहोवाद् निंग्कि गोट केवेजारेन पूरात्रान्देद्।

6 यॆहोवाद् तंग्कि आदप राजान जीतयत्रिद् अदे एन इनोर आग़िन, आद् तंग्कि पाक मॆरग़ेन्ते तंग्कि तिना टॆटुकि बाचात्रु बड़ेत अहिन अवडेकिरत्रिद्।

7 अदेसिर तमकि लड़ायि-गाड़िन आस्रारनेर अन्ते ननेर गोड़ोन आस्रारनेर, जे एम प्रबु यॆहोवाकि बड़ेन हि आस्रारिम।

8 आ चोवेर मुरग़रकेर उट्रेर, जे एम चोचेकेम अन्ते नूदग़रकेम इलिम।

9 ओ यॆहोवा, जीतयत्रा। एम कूक्रिम अदेनो राजाद् ऎमेन अवडेकिरत्रान्देद्!

Shopping Cart
error: Content is protected !!