चामे 15

गोसाञ्यिकि बयाड़ेह्

(दाऊदेकि चामे)

1 ओ यॆहोवा, निंग्कि ऎड़व-अडा तम्बुनो नेह् डॊकोति पारयलेह्? निंग्कि पाक टॊके सियोनेनो नेह् बसयोति पारयलेह्?

2 सोहजा पावनो चलारिह्, दर्मेन कुदिह्, अन्ते तंग उगलिन्ते उगजो सबान अवडिह् आहि से,

3 अन्ते तंग्कि तोरोत चुगलेयोमलाह्, तंग संगालेक डग्रहान कुदोमलाह्, अन्ते तंग क़ॆपोरि पन्तेनो टेन्डोमलाह् आहि से।

4 अहि क़ननो गा डॆबडि मलेह् पोद्रेयुव्रपेह्; जे यॆहोवान ऎलचुरिन आह् सिञ्याड़ेत्रिह्; तान क़दक़ोलेह् अदेनो तान नुन्जुव्र गोटे, अदिनहि कुदिह्।

5 सूद लग्केह् टकान चियोमलाह्, अन्ते टडाबलोरिन दुक्रेत्रोति गूसेन ओयोमलाह्; ईव ईवेन कुदिह् आह् इकोन्नो गोटे अबड़ारेह् मला।

Shopping Cart
error: Content is protected !!