गोसाञ्यिकि सगार लग्कि सुम्ब्रारेद्
(पाड़ु सरदार लग्कि दाऊदेकि चामे)
1 ओ यॆहोवा, इकोन्द अमट नीन ऎंगेन मोहरकि डॊकनि? जुगेक मोहरेनि? इकोन्द अमट नीन निंग्कि मुद्रान ऎंगेन्ते नुडेकि डॊकेनि?
2 इकोन्द अमट एन काकलिन सहच डॊकेन? इकोन्द अमट ऎंग उगलिन कोबसात्र डॊकेन? इकोन्द अमट ऎंग राडेर ऎंगेन चपकेर डॊकेर?
3 ओ यॆहोवा ऎंग गोसाञ्यि, ऎंगेन टुन्डकि अवडेकिरत्रा; ऎंग्कि क़ने अवेलेत्रा, एन कॆय क़नक़ेन क़न्द्रेन चेरि।
4 ऎंग राडेह्, एन अहिन टिडेकेन आनलोह् अन्ते ऎंगेन दुक्रेत्रुर एन अबड़ारनो अपोकारलोर अदिक इन्देकि कुदा।
5 जे एन निंग्कि चॆंग़जेन आस्रारकेन; एन निंग्कि बाचात्रेनो अपोकार लंगारेन।
6 एन यॆहोवान बलग़ेन, आद् गा गाड़े एड़ु काजेन ऎंगे कुदयाद्।