चामे 1
नीन मिस्र देसिनो क़ेग़प कमक्र मेन्जेके डोक्के
अन्ते निंग गोसाञ्यि येहोवाद् निंगेन चोक़ाद् – 2
अदिन हों उगलारा – 2
दोहरेत्रेकि15 मूली 15 पड़लानो कुर्कपेद्
अन्ते निंग गोसाञ्यि येहोवाद् निंगेन चोक़ाद् – 2
अदिन हो उगलारा 2
चामे 2
नाम तो पाड़ेत हों
नाम तो लालेत हों
ईसुकि दुलेलि मक़ेत बनारेत – 2
ऎलचेकि इन्द्र सबाद् बॆहिद्
ईसु नाम संगाल संगाल डॊकिद् – 2 नाम तो…
1. मॆरग़ेकि राजा ईसुन उगलारेत नामु
क़ॆक़लकि राजा नमकि ईस मसिहि – ऎलचेकि …
2. बाचात्रु राजा नमकि ईसु मसि ई
पटयारेन क़ाटु राजा नमकि ईसु मसि – ऎलचेकि…
चामे 3
गोसाञ्यिद् गोटेनि मेन्जकि पाक ननयाद्
आ दिनेनो मक़ेर उगलार दिने
निंगेन ऎंगेन गोटा चिजेन मेन्जो ओंगकि क़ानेगाद्
आ दिनेनो मक़ेर गिरजाक एकेत – 2
चामे 4
ईसु मसि नमेन मेन्जयाह् मक़ेर ओं
लॆगा नमु अहिन उगलारेत – 2
1. ईसु मसि मक़ेर नमेन दुलेलेत्रिद् – 2
मॆरग़ेक ओयोति – नमेन 2 – ईसु मसि…
2. इन्द्रु ललेत मक़ेर नाम अपोकारेत
ईसु मसिन नाम उगलारेत – 2 ईसु मसि…
3. ईसु मसिन मक़ेर नाम सेवयेत ओं
पूपु लॆको नाम बिड़येत ओं – 2 ईसु मसि…
चामे 5
जीरा – जीरा अड़सयाद्, मक़ेर मेला अड़सयाद्
लॆगा मक़ेर नामु हों मिलारकेत एकेत – 2
इकनिकि मक़ेर मेलानो
लाले पाड़ेत नाम, लाले पाड़ेत नाम
लेगाले गोसाञ्यि सबान नामु उगलारेत
अदो ननेरिन हों नामु उगलेत्रेत – 2
1. यॆहोवाद् ऎंग्कि गोवालनिद् ,
ऎंगे इन्द्र गोटे अद मॆनलेनिद्
क़ेन-क़ज्रो कॆतेनो कॊड़त्रिद् ,
पटयार्प अम बिटेक क़ेन्द कुदिद् – 2 जीरा – जीरा …
2. गिरजा दिनेद् अड़सियाद् ,
गिरजा मॆनोति उगलारेत नाम
आम्बा बलो बाइबिलेन पड़येत
गोसाञ्यिकि आसिकेन क़क़ेत नामु – 2 जीरा – जीरा…
चामे 6
एन टहरेत्रप पहरानो कन्कु – दाने अन्ते
कुको क़न्जपेन चियोति ओरयेत्रकेन -2
ओ ऎंग गोसाञ्यि ऎंगेन उगलारा
अन्ते ऎंगेन दॆया नुन्जा – 2
नॆहेमियाकि 13 मूली 31 पाड़ला
अन्ते ऎंगेन दॆया नुन्जा
चामे 7
बचेरिनो क़ेपोन्द लले पाड़ेद्
वि बि एस अन्ते मक़ेर मेला – 2
पुने-पुने वचाने सिकारोति
पुने-पुने चामे सिकारोति
बाइबिल क़ेरि सिकारोत उगलारेत नाम – 2
जाड़ा पोय पहरा चतान उगलारेत
नीड़ु बर पहरा चतान उगलारेत – 2
दुकेनो सुकेनो हों गोट पहरा
गोसाञ्यि अब्बान हि उगलारेत नाम – 2 बचेरिनो…
चामे 8
अगवाति पचे मलेर पड़याबलो मॆन्जार
तानि गोटे तमकि सीमान एड़ु जोगचार – 2
इने नम इन्द्रे कुदित सोचया मक़ेर
नमकि टॆटुन्ते गोटे बचकेर ओयनेर – 2
लॆगाले मलेर पचे मलेरिन उगलारेत
नमकि मने क़ेक़ले एड़ु जोगयेत – 2
ननेरिक चियेतला ननेरिक बीसेतला
बीसयार अदिन गोट नन्दु किरत्रेत – 2
चामे 9
ओ मक़ेर दुलेलि मक़ेर
गोसाञ्यिकि सबान उगलारा डॊकेर – 2
गोसाञ्यिकि सबान
अराराबलो तकाराबलो
मॆन्जे डॊकोति मॆनेनिद हों।
चामे किताबे डउनलोडिंग
मक़ेर मॆलानो सिकात्र पहरा एदपो चित्रेद् – सिञ्याड मले अन्ते लाज़रे क़ेरिद् – डउनलोडिंग
मक़ेर मॆलानो सिकात्र पहरा एदपो चित्रेद् – इस्राएल जातिरकि चोग़ुव्रेद् – डउनलोडिंग